QARABAĞ FUTBOL KLUBU
Qarabağ TV
TPL
UEL
“Qarabağ” Skopyeyə böyük hesablı qələbə ilə yollanır (apasport.az)

Bu gün Avropa Liqasında yeni mövsümə start verilir. Apasport.az saytının məlumatına görə, klublarımızdan ilk evdə mübarizəyə başlayan Ağdamın “Qarabağ” klubu olacaq.

Qurban Qurbanovun çalışdırdığı komanda ötən yay uğurla çıxış etdiyi Avroliqada zəfərini davam etdirməyə çalışacaq. Avrokuboklarda 21-ci oyununa çıxacaq ağdamlıların rəqibi debütant “Metallurq” klubudur. Makedoniyanın paytaxtı Skopyeni təmsil edən komandanın Avropaya yolu Tofiq Bəhramov adına Respublika stadionundan başlayacaq.

Ötən mövsüm Avroliqada son təsnifat mərhələsinə kimi irəliləyən “Qarabağ” bu dəfə ölkə kubokunun qalibi yox, çempionatın bürünc mükafatçısı olduğundan mübarizəyə ilk mərhələdən başlayır. Komandamız bir həftə sonra səfərdəki cavab görüşünə rahat yollanmaq üçün mütləq evdə sərfəli nəticə qazanmalıdır. Bunun üçün qələbəni qol buraxmadan əldə etmək vacibdir.