“Qarabağ” Futbol Akademiyasına seçimlərin ilk mərhələsi başa çatdı

“Qarabağ” Futbol Akademiyası bölgələr üzrə futbolçu seçimi gerçəkləşdirib. Şirvan, Qusar və Lənkəranda baş tutan seçimlərdə 2010, 2011, 2012, 2013, 2014, 2015-ci il təvəllüdlü futbolçular iştirak ediblər.

“Qarabağ”ın məşqçiləri Şirvanda 150, Qusarda 60, Lənkəranda 350 uşaq və yeniyetməyə baxış keçirib. Seçimlər zamanı ümumilikdə 33 futbolçu ilkin mərhələsini uğurla keçib. Onlardan 16-sı Şirvan, 6-sı Qusardakı, 11-i Lənkərandakı seçimlərdə fərqlənib.