U-19 “Benfika” ilə qarşılaşdı

UEFA Gənclər Liqasının Liqa mərhələsinə start verilib. Klubumuzun U-19 komandası I turun matçına çıxıb.

Rəşad Sadiqovun baş məşqçisi olduğu komanda Portuqaliya təmsilçisi “Benfika” ilə qarşılaşıb. Görüş Lissabon klubunun təlim-məşq bazasında keçirilib.

Dörd dəfə turnirin finalına çıxmaqla Gənclər Liqasının şərikli rekordçusu olan Portuqaliya klubu bu görüşdən qalib ayrılıb. Lissabon təmsilçisi 7:1 hesabı ilə qalib gəlib. Komandamızın heyətində Əli Qazıbəyov fərqlənib.

Qeyd edək ki, komandamız növbəti oyununu oktyabrın 1-də Bakıda “Kopenhagen”ə qarşı keçirəcək.